भलिबल संघका उपाध्यक्ष सुवेदीद्वारा खेल सामाग्री हस्तान्तरण

कपन अनलाइन

काठमाडौं, पौष २२ ।नेपाल भलिबल संघका उपाध्यक्ष कुमारराज सुवेदीले डोटीमा आयोजना हुने पुरुष खुल्ला भलिबल प्रतियोगिताका लागि खेल सामाग्री हस्तान्तरण गरेका छन् । सुवेदीले ५ थान भलिबल र २ थान नेट डोटी काठमाडौं सम्पर्क समितिका कोषाध्यक्ष सिद्धराज बिष्टलाई हस्तान्तरण गरेका हुन् ।

डोटीको पर्यटकीय स्थल गहनान क्षेत्रको प्रवद्र्धनका लागि माघे सक्रान्तिका अबसरमा हुने भलिबल  प्रतियोगिता गहनान सामुदायिक युवा क्लबको आयोजनामा शिखर नगरपालिका वडा नम्बर १० मा हुनेछ ।भलिबल खेल नेपालका हरेक स्थानमा खेल्न सकिने र यसले त्यस ठाउँको पनि प्रचार प्रसार हुनुका साथै पर्यटकीय स्थलको पनि पहिचान बनाउने भएकाले खेल सामाग्री हस्तान्तरण गरिएको सुवेदीले बताए ।