काठमाण्डौ महानगरपालिका वडा नं ७ र ८ मा उदघोषण कला तालिम सम्पन्न

कपन अनलाइन

काठमाण्डौ ,मंसिर २९।

काठमाण्डौ महानगरपालिका वडा नं ७ र ९ मा उदघोषण कला तालिम सम्पन्न भएको छ।

काठमाण्डौ महानगरपालिकाको सहयोगमा बाल सारथी र बेटर नेपालको आयोजनामा भएको सो तालिममा वडा नं ७ र ८ का वडावासीहरुको सहभागिता रहेको थियो।

काठमाण्डौ महानगरपालिका वडा नं ७ का अध्यक्ष सुद्ध डंगोलको प्रमुख आतिथ्यता र बाल सारथीकी संस्थापक अध्यक्ष डा. माला खरेलको अध्यक्षतामा भएको तालिम समापन कार्यक्रममा वडा नं ७ का सदस्य कृष्णमणि भट्टराई, निर्मला पुडासैनी,कृष्णप्रसाद घिमिरे,वडा नं ८ की सदस्य इन्दिरा भण्डारी ,पशुपति क्षेत्र विकास कोषकी सदस्य आशा पाण्डे लगायतको उपस्थिति रहेको थियो।

काठमाण्डौ महानगरपालिका वडा नं ७ को कार्यालयमा भएको सो तालिममा उदघोषण कला,संचार सिप,नेतृत्व विकास र कार्यक्रम संचालनका वारेमा तिन दिन प्रशिक्षण प्रदान गरिएको कार्यक्रमकी संयोजक वडा नं ९ की सदस्य तथा कार्यक्रम संयोजक सृजना खरेलले जानकारी दिएकी छन।

अवको चरणमा काठमाण्डौ महानगरपालिका वडा नं १० र ११ मा आगामी पौष ५ गते देखि तालिम शुरु हुने जानकारी दिदै कार्यक्रमकी अध्यक्ष डा. माला खरेलले सो तालिमले व्यक्तित्व र नेतृत्व विकासमा सहयोग पुग्ने धारणा राखेकी थिइन्।