प्रकाशमान सिंहले देउवालाई समर्थन गर्ने

कपन अनलाइन 

काठमाडौं ,मंगसिर २८  ।नेपाली कांग्रेसका नेता प्रकाशमान सिंहले शेरबहादुर देउवालाई समर्थन गर्ने भएका छन  ।पार्टी नेतृत्वका लागि दोस्रो चरणको चुनाव हुने भए पछि बिहान सिंहलाई भेट्न सभापति देउवा सिंह  निवास चाक्सीबारी पुगेका थिए  । भेटमा देउवाले आफ्नो कमजोरी सच्याउँदै पार्टीलाई सुधार गरेर लैजाने वचनबद्धता व्यक्त गरेका थिए ।

छलफल पछि नेता कार्यकर्तालाई सम्बोधन गर्दै नेता सिंहले आफ्नो समर्थन देउवालाई नै रहेको बताएका हुन्  । पहिलो चरणमा  काँग्रेस सभापतिमा कसैको पनि ५० प्रतिशत मत नल्याएपछि दोस्रो चरणको मतदानमा सिंहले देउवालाई सघाउने भएका हुन् । सिंहको समर्थनसँगै दोस्रो चरणको चुनावमा देउवाको दाबेदारी बलियो बनेको छ ।१४ औँ महाधिवेशनका सभापतिका उम्मेदवार सिंह  ३ सय ७१ मत पाउँदै तेस्रो स्थानमा रहेका थिए  । अब कांग्रेसको नयाँ नेतृत्वका लागि शेरबहादुर देउवा र शेखर कोइरालाबीच दोस्रो चरणको चुनाव हुनेछ ।

फोटो; युपी लामिछानेको फेसबुक बाट