नेकपा एमालेको पोलिटब्युरो सदस्यमा कृष्ण राई

कपन अनलाइन

काठमाडौँ,मंगसिर २६।

नेकपा एमालेको दोश्रो केन्द्रीय कमिटीको बैठकले काठमाण्डौ क्षेत्र नं ३ का प्रतिनिधि सभा सदस्य कृष्ण राईलाई पोलिटब्युरो सदस्यमा चयन गरेको छ।

नेकपा एमालेको दशौ रास्ट्रीय महाधिवेसनबाट केन्द्रीय कमिटीमा निर्वाचित भएका राई नेकपा एमाले काठमाण्डौका  अध्यक्ष समेत हुन्।

विद्यार्थी कालबाट नै नेकपा एमालेमा सक्रिय रहेका राई २०५४ सालको स्थानीय निकायको निर्वाचनमा साविक जोरपाटी गाविसको उपाध्यक्षमा निर्वाचित भएका थिए भने २०७४ सालको निर्वाचनमा प्रतिनिधि सभा सदस्यमा निर्वाचित भएका थिए ।

नेकपा एमाले काठमाण्डौमा लामो समय सम्म विभिन्न जिम्मेवारी बहन गरेका उनले २०७४ सालको स्थानीय तह ,प्रदेस र संघीय निर्वाचनमा नेकपा एमालेलाई जिताउन महत्वपूर्ण भूमिका निर्वाह गरेका थिए।