नेकपा एकीकृत (समाजवादी) काठमाण्डौ-४ को अध्यक्षमा धुर्वराज न्यौपाने र सचिवमा पुरुषोत्तम नेपाल
कपन अनलाइन
काठमाण्डौ ,असोज १०।
नेकपा एकीकृत (समाजवादी) काठमाण्डौ-४ को अध्यक्षमा धुर्वराज न्यौपाने र सचिवमा पुरुषोत्तम नेपाल आउने भएका छन । नेकपा एकीकृत (समाजवादी) ले काठमाण्डौ क्षेत्र नं ४ का १२ वटा वडाहरुमा राजनीतिक र सांगठानिक नेतृत्वका लागि न्यौपाने र नेपालको नेतृत्वमा कमिटी घोषणा गर्ने अन्तिम तयारी गरेको छ।
नेकपा एस काठमाण्डौ क्षेत्र नं ४ को अध्यक्ष बनेका न्यौपाने नेकपा एमाले साविक कपन गाउँकमिटीमा तिन कार्यकाल अध्यक्षका रुपमा योगदान पुर्याएपछि क्षेत्रीय सचिवमा निर्वाचित भएका थिए।
अवको राजनीतिमा युवाहरुको भूमिका र स्थान आवस्यक रहेको बताउदै आएका उनले जिल्ला खेलकुद विकास समिती काठमाण्डौ अध्यक्षका रुपमा खेलकुद क्षेत्रको नेतृत्व गरेका थिए।
नेपाल कुरांश संघका केन्द्रीय अध्यक्ष समेत रहेका न्यौपानेले आगामी दिनमा काठमाण्डौ क्षेत्र नं ४ मा अग्रज,युवा र अनुभवी नेता तथा कार्यकर्ताहरुको टिम बनाएर संगठन विस्तार र जनासेवामा लाग्ने बताएका छन।
त्यस्तै नेकपा एसको क्षेत्रीय सचिव बनेका पुरुषोत्तम नेपाल नेकपा एमाले साविक कपन गाउँ कमिटीको उपसचिव तथा नगरपालिका घोषणा पश्चात वडा नं १२ को अध्यक्ष रहेका थिए।
२०७४ शालको स्थानीय तहको निर्वाचनमा वडा नं १२ को सदस्यमा निर्वाचित भएर नगरपालिकाको सार्वजनिक लेखा समिति संयोजक समेत रहेका नेपाल काठमाण्डौ जिल्लाको सहकारीआन्दोलनमा पनि महत्वपूर्ण जिम्मेवारीमा रहेका छन।
