च्यानेखोला कोरिडोरमा करेन्ट लागेर गम्भीर घाइते चन्द्रमान राईलाई सहयोगको अपिल

कपन अनलाइन

काठमाण्डौ ,भाद्र २७।

बुढानिलकण्ठ नगरपालिका वडा नं ११ र १३ को सिमानामा रहेको च्यानेखोला कोरिडोरमा करेन्ट लागेर गम्भीर घाइते चन्द्रमान राईले सहयोगका लागि अपिल गरेका छन।

दैनिक ज्याला मज्दुरी गरि जिबिकोपार्जन गर्दै आएका उदयपुर जिल्ला घर भइ हाल बु.न.पा.११ कपन बस्ने चन्द्रमान राई हाई भोल्टेजको सर्ट सर्किटबाट गम्भीर घाइते भएका थिए।

नेपाल बिधुत प्राधिकरणले च्यानेखोला कोरोडोरिमा नयाँ बिधुत लाईन बिस्तार गर्दा कपन हाउजिङ्ग नजिकै रहेको बाटुली देबि कुवरको घरमा बस्दै आएका राई ईन्टरनेटको तार ३ फेज लाईनको माथी राखेको अवस्थामा उक्त तारलाई राउटर बाट हटाउने क्रममा गम्भीर घाइते भएका हुन।

हाई भोल्टेजको सर्ट सर्किटबाट चन्द्रमान राईको दायाँ हातको कुहिना भन्दा मुनिको भाग काटिएको छ भने  सम्पुर्ण शरीरको दुई तिहाई भाग जलेको छ।

हाल  किर्तिपुर अस्पतालमा  उपचार गराइरहेका राईको उपचारमा आर्थिक समस्या देखिएले उनले सहयोगका लागि अपिल गरेका छन।