नेपाली कांग्रेस काठमाण्डौ क्षेत्र नं ४ को क्षेत्रीय प्रतिनिधिमा कुमार खडकाको तयारी
कपन अनलाइन
काठमाण्डौ ,भाद्र २५।
नेपाली कांग्रेसका युवा नेता कुमार खडकाले काठमाण्डौ क्षेत्र नं ४ को क्षेत्रीय प्रतिनिधिमा निर्वाचन लड्ने तयारी गरेका छन। बुढानिलकण्ठ नगरपालीका वडा नं १२ खरिबोट निवासी खडकाले आसन्न अधिवेसनमा वडा नं १२ का तर्फ बाट क्षेत्रीय प्रतिनिधिमा लड्ने तयारी गरेका हुन।
२०७२ शालको भूकम्प र तराईमा आएको बाढीको विपतको समयमा विभिन्न अभियानहरु संचालन गरेर अफ्ट्यारोमा परेकाहरुलाई सहयोग गरेका खड्का लायन्स क्लव इन्टरनेसनल डिस्ट्रिक ३२५ ए १ अन्तर्गत लायन्स क्लव अफ काठमाण्डौ कपनको प्रेसिडेन्ट समेत रहेका थिए।
हाल लायन्स क्लव इन्टरनेसनल डिस्ट्रिक ३२५ ए १ अन्तर्गत डिस्ट्रिक चेयरपर्सन रहेका उनले नेपाली कांग्रेसलाई बलियो बनाउदै त्यस मार्फत जनताको सेवा गर्नका लागि क्षेत्रीय प्रतिनिधिमा लड्ने तयारी गरेको बताएका छन।
नेपाली कांग्रेसले विगतका संविधान सभा र प्रतिनिधि सभामा जनताको मन जितेर कायम गरेको इतिहासलाई अझ दरिलो बनाउन र स्थानीय तथा प्रदेस निर्वाचनमा विजयी बनाउनका लागि आफुले योगदान गर्ने बताउदै उनले सबै मतदाता क्रियाशील सदस्यहरुलाई सहयोगका लागि आग्रह गरेका छन।
लामो समय देखि समाजसेवा र परोपकारी कार्यमा सक्रिय रहेका खड्काले वडा नं ११ मा पस्मिना व्यवसाय मार्फत ४५ भन्दा बढी ब्यक्तीहरुलाई रोजगारी प्रदान गर्दै आएका छन।
