नेपाल मेडिकल कलेज नजिक नेकपा एमालेका नेता सञ्च तामाङ माथि आक्रमण, एक जना पक्राउ

कपन अनलाइन

काठमाण्डौ ,भाद्र १९।

नेकपा एमालेका नेता तथा हेल्मो सिन्धु समाजिक उत्थान कार्यक्रम सुप अन्तर्गत गाउँ सामुदायिक समिति , साविक ईचोकका गाविसका अध्यक्ष सञ्च तामाङमा माथि हिजो बेलुका खानखाने क्रममा संघातिक हमला भएको छ।

अध्यक्ष तामाङ गाउँको एकजना बिमारी भेट्न नेपाल मेडिकल कलेज जोरपाटी गएका थिए। अस्पताल नजिकै होटल सिन्धुपाल्चोकमा बेलुकी ९:३० खाना खाइरहेको समयमा करिब ४/६ जनाको अज्ञत समुहले तामाङको ज्यान लिने हिसाबले आक्रमण गरेको देखिन्छ । घटना लगत्तै घाइते तामाङलाई नेपाल मेडिकल कलेज लगिएको थियो ।

अस्पतालले घाइते तामाङको अवस्था गम्भीर भएको र टाउकोमा चोट भएकोले तुरुन्तै न्युरो अस्पताल लान सल्लाह दिएपछि बिरामी अन्नपूर्ण न्युरो अस्पताल लगिएको थियो भने अहिले बिरामीको अवस्था गम्भीर रहेको बुझिएको छ। घटनामा संम्लग मध्य एक जनालाई प्रहरीले हिरासत लिएको छ भने एक जना घाइतेको उपचार भइरहेको बुझिएको छ।