सिद्धिचरण नगरपालिका ओखलढुंगाका बिद्यालयहरुलाई आगामी आईतबारबाट सञ्चालन हुने

कपन अनलाइन

काठमाण्डौ ,भाद्र १८।

सिद्धिचरण नगरपालिकाले नगरक्षेत्रभित्रका सबै बिद्यालयहरुलाई आगामी आईतबारबाट सञ्चालन गर्न् निर्देशन दिएको छ । शुक्रबार कार्यक्षेत्रभित्र रहेका सबै सामुदायी तथा संस्थागत बिद्यालयहरुलाई पत्राचार गर्दै पालिकाले भौतीक उपस्थितीमै बिद्यालय सञ्चालन गर्न निर्देशन दिएको हो ।

कोरोना कहरका कारण लामो समयदेखी बन्द रहेका सामुदायीक तथा संस्थागत बिद्यालयहरुलाई न्युनतम स्वास्थ्य सुरक्षाको मापदण्डको पलना गर्दै बिद्यालय सञ्चालन गर्न प्रमुख प्रशासकिय अधिकृत प्रवीण कोईरालाद्धवारा गरिएको पत्राचारमा भनिएको छ । । नगरक्षेत्र भित्रका कक्षा १ देखी ५ सम्म पढाई हुने बिद्यालयहरुमा बिद्यार्थीसंख्याको आधारमा नियमित रुपमा बिहान १० देखी दिउसो ३ बजेसम्म बिद्यालय सञ्चालन गर्न निर्देशन दिईएको छ ।

त्यस्तै माध्यमिक तहको कक्षा ६ देखी ८ सम्म बढाई हुने बिद्यालयहरुमा भने बिद्यार्थी संख्याको आधारमाण आलोपालो प्रणाली अनुसार पठनपाठान गराउन भनिएको छ।