लायन्स क्लब इन्टरनेशनल डिष्ट्रिक्ट ३२५ ए१ को अवार्ड वितरण कार्यक्रम सम्पन्न
कपन अनलाइन
काठमाडौं, श्रावण ३१। लायन्स क्लब इन्टरनेशनल डिष्ट्रिक्ट ३२५ ए१ को अवार्ड वितरण कार्यक्रम सम्पन्न भएको छ ।शनिबार ललितपुर स्थित डी लाइट पार्टी भेन्युमा एक कार्यक्रमका बीच लायन बर्ष २०२०/२१का डिस्ट्रिक गभर्नर लायन टंक बहादुर श्रेष्ठको एकबर्षे कार्यकाल सफल बनाउन सहयोग गर्ने ब्यक्तीहरुलाई बर्षभरि गरेका कार्यको उच्च सम्मान स्वरुप अवार्ड प्रदान गरेका हुन ।
लायन बर्ष २०२०/२१का डिष्ट्रिक्ट गभर्नर टंक बहादुर श्रेष्ठले दिएका सबै जिम्मेवारीलाई कुशलतापुर्बक सम्पन्न गर्दै सबैको सहयोग बाट समुहगत रुपमा सामाजिक सेवाका कार्यलाइ पुरा गरि डिष्ट्रिक्टलाई सफल बनाउन सहयोग गर्ने सबैलाई बिभिन्न अवार्ड मार्फत सम्मान गरिएको थियो ।
जी एट एरिया लिडर लायन खगेन्द्र सिटौलाको प्रमुख आतिथ्यमा सम्पन्न सो कार्यक्रममा बिशेष अतिथिको रुपमा पुर्व डिस्ट्रिक गभर्नर तथा हालका मल्टिपल जी एस टि मल्टिपल कोर्डिनेटर लायन अनन्त प्रसाद भेटुवाल पुर्व डिस्ट्रिक गभर्नर एबम मल्टिपल काउन्सिल चियरपर्सन लायन इन्द्र खत्री राजन , डिस्ट्रिक गभर्नर लायन रेवत बहादुर कार्की फर्स्ट भाइस डिस्ट्रिक गभर्नर लायन कर्म गुरुङ, सेकेन्ड भाइस डिस्ट्रिक गभर्नर नरनाथ सापकोटा लगायत लायन्स लिडर तथा सदस्यहरुको उपस्थिति रहेको थियो ।
राष्ट्रिय गान संगै शुरु भएको उक्त कार्यक्रममा लायन धन कुमारी गुरुङले झण्डाको आभिबादन बचन गरेकी थिइन। कार्यक्रममा स्वागत मन्तब्य सहित लायन बर्ष २०२०/२१का डिष्ट्रिक्ट गभर्नर टंक बहादुर श्रेष्ठले कार्यक्रमको उदेश्य माथी प्रकाश पारेका थिए ।
उनले आफ़नो गभर्नर कार्यकालमा डिष्ट्रिक्टलाई सफल बनाउन उत्कृष्ट कार्य गर्ने एवं विशिष्ट योगदान पुर्याएका लायन्स तथा विभिन्न संघ संस्थालाई सम्मान तथा अवार्ड वितरण गर्न पाँउदा अत्यंतै ख़ुशी लागेक़ो बताएका थिए ।समाजसेवा गाह्रो काम भएपनि लायन्सले विनास्वार्थ समाजसेवाको क्षेत्रमा थुप्रै काम गरेकोमा खुशी व्यक्त गरेका थिए ।
फोटो : सरोज बस्नेत
