युवाहरुलाई रचनात्मक बनाउदै उत्पादन संग जोड्नु पर्छ : नगर प्रमुख उद्दव खरेल

कपन अनलाइन

काठमाण्डौ ,साउन २७।

बुढानिलकण्ठ नगरपालिकाका प्रमुख उद्दव प्रसाद खरेलले युवाहरुलाई रचनात्मक बनाउदै उत्पादन संग जोड्नु पर्ने बताएका छन।

नेपाल स्काउट बुढानिलकण्ठ समितीले आयोजना गरेको दिक्षान्त समारोहमा बोल्दै प्रमुख खरेलले  समाज र  राष्ट्रको विकासका लागि असल युवाहरूको ठुलो योगदान रहेको भन्दै उनीहरुलाई सृजनात्मक र उत्पादनमुखी बनाउनु पर्ने धारणा राखेका छन।

नेपाल स्काउटको  स्थानीय संरक्षक समेत रहेका  नगर प्रमुख  खरेलले अनुशासित भई समाजमा सेवा गर्दै आएको स्काउट उत्पादनमा नगरपालिकाले हरेक किसिमको सहयोग गर्ने प्रतिवदत्ता व्यक्त गर्दै दिक्षीत भएका स्काउटरहरु संग समन्वय गरी यात्रा अगाडी बढाउने बाचा धारणा राखेका थिए ।