तीनदिन भारी वर्षाको सम्भावना ,सतर्क रहन आग्रह

कपन अनलाइन

काठमाण्डौ ,साउन ५।

मनसुन सक्रिय हुँदा आज देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ । वाग्मती, गण्डकी, लुम्बिनी तथा सुदूरपश्चिम प्रदेशका थोरै स्थानमा मेघगर्जन/चट्याङ्गसहित भारी र धेरै भारी वर्षाको सम्भावना रहेको छ  । काठमाडौं उपत्यकामा पनि आज दिउँसो सामान्यदेखि मध्यम वर्षाको सम्भावना रहेको  छ ।

आज राति देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ । गण्डकी र लुम्बिनी   प्रदेशका थोरै स्थानमा मेघगर्जन र चट्याङ्ग सहित भारी र धेरै भारी वर्षाको  सम्भावना रहेको विभागको भनाइ छ ।

भारी र धेरै भारी वर्षाको सम्भावना रहेको हुनाले पहाडी  भू–भागमा भू–क्षय, पहिरो तथा गेग्रान बहावको जोखिम रहेको छ । नदीनाला तथा खहरे खोलाहरुमा पानीको सतह बढ्न सक्ने तथा दैनिक जनजीवन प्रभावित हुनसक्ने जनाएको विभागले यातायात क्षेत्र प्रभावित हुन सक्ने भएकाले आवश्यक सतर्कता अपनाअउन आग्रह गरेको छ ।