कागेश्वरी मनोहरा नगरपालिकाले चाइनिज भेरोसेल खोपको पहिलो मात्राको लागि थप दुइ खोप केन्द्र तोक्यो

कपन अनलाइन
काठमाडौँ, असार ३१। कागेश्वरी मनोहरा नगरपालिकाले थप २ वटा खोप केन्द्र संचालनमा ल्याउने भएको छ। आज देखि श्रावण २ गते सम्म कोभिड-१९ बिरुद्दको चाइनिज भेरोसेल खोपको पहिलो मात्रा खोप केन्द्रमा बढी   भिड भएको कारण थप २ वटा खोप केन्द्र संचालनमा ल्याउन लागेको नगर प्रमुख कृष्णहरि थापाले जानकारी गराए ।

यस अघि नगरपालिकाले तीन वटा खोप केन्द्र (आलापोट स्वास्थ्य केन्द्र वडा नं. २ आलापोट,मुलपानी नगर अस्पताल वडा नं. ६ मुलपानी, गोठाटार स्वास्थ्य केन्द्र वडा नं. ९ गोठाटार )बाट खोप संचालन गर्दै आएकोमा आज बाट अमर सिंह चोक वडा नं ७ गोठाटार र राधाकृष्ण मन्दिर वडा नं ५ थली बाट खोप प्रदान गर्न लागिएको हो।

नगरपालिकाले असार २९ गते देखि श्रावण २ गते सम्म ५५ वर्ष माथिका एक मात्रा पनि खोप नलगाएका ब्यक्तिहरु, विश्वबिद्यालय, बिध्यालयका प्राध्यापक, शिक्षक र कर्मचारीहरु, सार्वजनिक यातायातमा कार्यरत चालक सहचालकहरु, नेपाल सरकारले तोकेको अत्यावश्यक सेवामा संलग्न ब्यक्तिहरु र खोप अनिवार्य गरेको देशमा जाने व्यक्तिहरुका लागि कोभिड-१९ बिरुद्दको चाइनिज भेरोसेल खोपको पहिलो मात्रा लगाइरहेको छ।