गोकर्णेश्वर नगरपालिका प्रमुख सन्तोष चालिसेले जन्मदिन अनाथ बालबालिका संग मनाए

कपन अनलाइन

काठमाडौं, असार ३ । गोकर्णेश्वर नगरपालिका प्रमुख सन्तोष चालिसेले आफ्नो जन्म दिन अनाथ बालबालिकाहरु संग मनाएका छन। गोकर्णेश्वर नगरपालिका वडा नं ९ शंखडोलमा संचालित सुनौलो पाइला संस्थामा आश्रय लिइरहेका बालबालिकाहरुलाई भोजन  गराएर आफ्नो जन्म दिन मनाएका हुन ।

ठुलो रकम खर्च गरेर जन्मदिन मनाउनुभन्दा यस्तै आवश्यक ब्यक्तिहरु संग बसेर जन्मदिन मनाउन  पाउदा खुसि लाग्ने चालिसे बताउछन। उक्त कार्यक्रममा गोकर्णेश्वर नगरपालिका वडा नं ९ का वडा अध्यक्ष राजिब थापा पनि सहभागी भएका थिए।   भूकम्प र अन्यकारणले बेसाहारा भएका बालबालिकाहरुलाई सुरक्षित पालनपोषण र आवास दिने उदेश्यले २०७५ सालमा स्थापित सुनौलो पाइला संस्था मा हाल १४ जना असाहय बालबालिकालाइ सुरक्षित आवास र असल अभिभावकत्व प्रदान गरिरहेको छ।

संस्थाकी अध्यक्ष रोजिना बिष्ट (रोज)ले नगर प्रमुख सन्तोष चालिसेलाइ जन्मदिनको शुभकामना दिदै  संस्थामा आएर आफ्नो जन्मदिन बालबालिका संग  मनाएकोमा  धन्यवाद दिएकी थिइन।