बुढानिलकण्ठ नगर अस्पताललाई Global Chimsey Soul को सहयोग

कपन अनलाइन

काठमाण्डौ ,जेष्ठ २२।

बुढानिलकण्ठ नगर अस्पताललाई विभिन्न सामाजिक तथा मानवीय सेवामा सक्रिय रहेको संस्था  Global Chimsey Soul ले स्वास्थ्य सामाग्री सहयोग गरेको छ।

त्रि -ज्योति मावि बुढानिलकण्ठका पुर्व बिद्यार्थी  तथा  GCS का अध्यक्ष  पारस राईको सक्रियतामा देश तथा बिदेशमा रहेका मनकारी व्यक्तिहरु बाट  संकलन गरिएको सहयोग बाट अस्पताललाई  अक्सिजन कन्स्ट्रेक्टर ,माक्स, पिपिइ ,पन्जा ,स्यानीनिटाइजर लागयतका सामाग्री हस्तान्तरण गरिएको हो।

कुल संकलित  २,३९,३१५ (दुई लाख उन्नाचालिस हजार तीन सय पन्ध्र ) मध्ये  १,१५,000 (एक लाख चौध हजार )  बराबरको सामाग्री  नगर अस्पताललाई हस्तान्तरण गरिएको थियो भने २२ औ दिन सम्म निरन्तर निशुल्क भोजन अभियान संचालन गरिरहेको  सामाजिक जागरण समुहलाई  २४,५00(चौबीस हजार पाँच सय ) सहयोग गरिएको थियो।

पूर्वमन्त्री एवम् राप्रपा नेतृ कुन्ती शाही ,बुढानिलकण्ठ नगरपालिकाका प्रवक्ता नवराज भट्टराई लगायतको उपस्थितिमा राइजीङ 100S समुहलाई नगद  १,00000/-(एक लाख  ) पनि सहयोग गरिएको त्रि -ज्योति माबिका प्राचार्य गणेशकुमार मिश्रले जानकरी दिएका छन।