नयाँ बसपार्कको गेस्टहाउसमा पुरुषको शव,दुई जना पक्राउ

कपन अनलाइन

काठमाण्डौ ,चैत्र ३०।

आइतबार बिहान काठमाडौँ महानगरपालिका २७, मित्रनगरस्थित गोदावरी सन्तोषी गेस्टहाउसमा स्याङ्जाका ३० वर्षीय  नारायणबहादुर क्षेत्री मृत अवस्थामा फेला परेको महानगरीय प्रहरी परिसर काठमाडौंका प्रवक्ता (एसपी) रमेश बस्नेतले जानकारी दिएका छन ।

शनिबार राति सुनेका क्षेत्री आइतबार बिहान मृत भेटिएका हुन्।गेस्ट हाउसको कोठा नम्बर २०४ मा क्षेत्रीको शव भेटिएको हो। गेस्ट हाउसले राखेको रेकर्ड अनुसार उक्त कोठा राजु क्षेत्रीका नाममा बुक भएको देखिएको एसपी बस्नेतले बताएका छन ।

घटनाको अनुसन्धानका लागि प्रहरीले दुईजना युवकलाई पक्राउ गरेको छ । पक्राउ पर्नेमा घर्तीसँगै होटेलमा बसेका राजकुमार गाहा र झक्कुराम बस्नेत रहेका छन् ।

क्षेत्रीको शव पोस्टमार्टमका लागि त्रिवि शिक्षण अस्पताल महाराजगन्ज लगिएको छ। घटनाबारे थप अनुसन्धान भइरहेको एसपी बस्नेतले बताए।