सातै प्रदेसमा नेपाल स्काउटको तालिम केन्द्र बनाउदै छौ : संयोजक लोक बहादुर भण्डारी
कपन अनलाइन
काठमाण्डौ ,चैत्र ३०/ नविना श्रेष्ठ
नेपाल स्काउटका राष्ट्रिय तदर्थ समितिका संयोजक लोक बहादुर भण्डारीले अबका दिनहरुमा ७ प्रदेशमा नै नेपाल स्काउटको तालिम केन्द्र बनाउन आफू लागि परेको बताएका छन ।
नेपाल स्काउटका राष्ट्रिय र सहायक राष्ट्रिय प्रशिक्षकहरुको लागि चावहिलको स्मार्ट पार्टी प्यालेसमा आयोजना गरेको क्षमता अभिवृद्धि कार्यक्रममा बोल्दै भण्डारीले सो धारणा सार्वजनिक गरेका हुन् ।
उनले स्काउटका तालिमहरु ककनीको नुवाकोटमा मात्र तालिम केन्द्र हुँदा अन्य प्रदेशकाे स्काउट गतिविधि गर्न असहज महसुस गरेकोले ७ प्रदेशमा अब अन्तराष्ट्रिय स्तरको सुविधा सम्पन्न तालिम केन्द्र बनाउनमा नेपाल स्काउट लागिरहेको जानकारी दिएका थिए ।
भण्डारीले आफू प्रतिको आफ्नो धारणा सबै सामु सार्वजनिक गरेका थिए। संयोजकको योजनामा लिडरहरुले खुसी ब्यक्त गर्दै स्काउटलाई जन- जनमा पुर्याउने सुझाब समेत दिएको थियो। २०७७ चैत २७ गते सुरू भएको क्षमता अभिवृद्धि कार्यक्रम चैत २८ गते समापन गरिएको थियो।
