बुढानिलकण्ठमा रास्ट्रिय महिला तथा पुरुष हाफ म्याराथन हुने

कपन अनलाइन

काठमाडौं, चैत ९ गते ।

यहि चैत्र २१ गते बुढानिलकण्ठमा  नेपाल लोकतान्त्रिक खेलकुद संघ बागमती प्रदेशले पूर्व प्रधानमन्त्री एवं सन्त नेता कृष्ण प्रसाद भट्टराई (किसुनजी) को नाममा महिला तथा पुरुष हाफ म्याराथन आयोजनाहुने  भएको छ ।

उक्त हाफ  म्याराथन प्रतियोगिता   काठमाण्डौ क्षेत्र नं. ४ गोल्फुटारस्थित बास्केटबल कोर्टबाट सुरु हुँदै  धुम्बाराही चोक, चावहिल, गौशाला, रातोपुल, ज्ञानेश्वर, कमलपोखरी, जयनेपाल हल, दरवारमार्ग, केशरमहल, लैनचौर, लाजिम्पाट, पानीपोखरी, नारायणगोपाल चोक, बुढानिलकण्ठ प्रहरी बिट हुँदै पुनः सोहिस्थानमा आएर समापन हुनेछ ।

प्रतियोगितामा विजयी शिर्ष तीन खेलाडीहरुले नगद २५ हजार, १५ हजार र १० हजार प्राप्त गर्नेछन् । यस्तै चौथो र पाँचौ स्थान प्राप्त गर्ने खेलाडीहरुले नगद ५/५ हजार प्राप्त गर्ने नेपाल लोकतान्त्रिक खेलकुद संघ बागमती प्रदेशका प्रमुख दिपक गुरुङले जानकारी दिएका छन।