मेलम्ची -१३ बाट नक्कली पैसा छाप्ने मेसिन सहित एक जना पक्राउ
कपन अनलाइन
सिन्धुपाल्चोक ,चैत्र ७ /दिपक विक्रम देउजा
ईलाका प्रहरी कार्यालय मेलम्चीले नक्कली पैसा छाप्ने मेसिन सहित १ जनालाई पक्राउ गरेको छ । नक्कली पैसा छापी कारोबार गरिरहेको भन्ने विशेष सुराकीको आधारमा आज नक्कली नोट ,नक्कली नोट छाप्न प्रयोग गर्ने प्रिन्टर सहित एक जनालाई पक्राउ गरिएको ईलाका प्रहरी कार्यालय मेलम्चीका प्रहरी निरीक्षक फल बहादुर तामाङले जानकारी दिएका छन ।
मेलम्ची नगरपालिका वडा नम्बर १३ का राजाराम दनुवारले नक्कली पैसा छापिरहेको भन्ने विशेष सुराकीको आधारमा मेलम्ची नगरपालिका वडा नम्बर १२को बि आर एस मोबाइल हाउसबाट पक्राउ गरिएको निरीक्षक तामाङले जानकारी दिए ।
पक्राउ गरेको दनुवारलाई थप अनुसन्धानको लागि जिल्ला प्रहरी कार्यालय पठाइएको छ।
मेलम्चीमा प्रहरी निरीक्षक फल बहादुर तामाङ आए संगै विभिन्न अपराधमा संलग्न भइ फरार रहेका अभियुक्त धमाधम पक्राउ परिरहेका छन् । तामाङ निरीक्षक भएर आए संगै शान्ति सुरक्षा सुदृढीकरण भएको स्थानीयले बताएका छन् ।
तपाइँको प्रतिक्रिया ।
