नेकपा एमालेलाई एकतावद्ध बनाउनु पर्नेमा सिन्धुपाल्चोकका नेताहरुको जोड

पूर्व मन्त्री एवम् नेकपा एमालेका केन्द्रिय सदस्य शेर बहादुर तामाङले नेकपा एमालेको सच्चा कार्यकर्ता बनेर पार्टीलाई एक ढिक्का बनाउन नेतृत्वलाई सुझाव दिएका छन  ।

तामाङले सर्बोच्चले नेकपा एमाले ब्युताएकाले अब पार्टीलाई एक ढिक्का बनाउने जिम्मेवारी पार्टी अध्यक्ष केपी शर्मा ओलीको काधमा आएको उल्लेख गर्दै अब झिनामसिना काममा अल्झेर बस्न नहुने बताए  ।

मेलम्ची नगरपालिकाको अगुवा कार्यकर्ता भेलालाई सम्बोधन गर्दै तामाङले देशले समृद्धि खोजेको उल्लेख गर्दै तामाङले अब एक भएर पार्टिका गतिविधिलाई अगाडि बढाउनुपर्नेमा जोड दिएका थिए  ।

भेलामा बागमति प्रदेशको अर्थ समितिका सभापति एवम् एमालेका नेता सरेश नेपालले अझै पनि एमाले विभाजन गर्न केहि तत्वहरु लागिपरेको भन्दै एमाले विभाजन गर्ने दिजा सपना नदेख्न चुनौति दिएका थिए । उनले पार्टीलाई एकताबद्ध र अनुशाशीत तरिकाले अगाडि बढाउन छाडेर पार्टि अध्यक्ष सँग सल्लाह नगरि गुटगत भेला गर्दै केहि नेता हिडेको भन्दै एमाले पार्टिको लागि त्यस्तो गतिविधि स्विकार्य नहुने बताए  । कार्यक्रममा नेकपा एमालेका जिल्ला अध्यक्ष बालकृष्ण देउजाले केपि वलिले  घर बनाउन लाग्दा पार्टिका अरु नेताहरु विगार्न तर्फ अग्रसर भएको बताउदै अब पार्टिलाई बलियो बनाएर जानुको विकल्प नरहेको बताएका थिए  ।

कार्यक्रममा एमालेका नेता हस्त पण्डितले एमाले पार्टिको माया धरै भएको बताउदै अब एमालेले आफ्नो गतिविधिहरु सक्रिय रुपमा अगाडि बढाउनुपर्नेमा जोड दिएका थिए ।

मेलम्चीमा भएको भेलामा राष्ट्रिय युवा संघ नेपालका उपाध्यक्ष अशोक चौलागाई,पहिला नेत्री उमा प्रधान लगायत नेताहरुले आफ्नो भनाइ राखेको नगरकमिटि अध्यक्ष विजयकृष्ण श्रेष्ले जानकारी दिएका छन।