नेत्रावती डबजोङ्गमा खुल्ला फुटबल प्रतियोगिता सुरु

कपन अनलाइन

काठमाडौं ,फागुन १४ /हरिराम सापकोटा

धादिङ्गको नेत्रावती डबजोङ्ग गाउंपालिका वडा नं ५  को रिपगाउँ मा नबनिर्मित फुटबल मैदानको उद्घाटन भए सङ्गै खुल्ला फुटबल प्रतियोगिता सुरु भएको छ।

गाउँपालिका, सांसद बिकास कोष र स्थानिय रिप युवा क्लबको करिब १५ लाख   लागतमा निर्माण  सम्पन्न खेल मैदानको बिहिबार गाउँपालिका अध्यक्ष दुर्गाकुमार शाक्यले उद्घाटन गरेका थिए ।

उद्घाटन कार्यक्रममा अध्यक्ष शाक्य संगै  उपाध्यक्ष उर्मिला तामाङ्ग, नेकपा धादिङ्गका नेताहरु कृष्ण लामा,सुबर्ण रिमाल लगायतको उपस्थिती रहेको थियो।

मैदान  उद्घाटन पछि   खुल्ला फुटबल प्रतियोगिता सुरु भएको छ।धादिङ्ग जिल्लाभर का २०  टिमको सहभागिता रहेको उक्त प्रतियोगिता ५  दिनसम्म चल्ने रिप युवा क्लबका अध्यक्ष लेख बहादुर  तामाङ्गले जानकारी दिएका छन ।

( हरिराम सापकोटा  सुसासन र समृद्धिका लागि संचार अभियानका प्रशिक्षार्थी पत्रकार हुन् )