गोकर्णेश्वर नगरपालिका वडा नं ७ले ज्येष्ठ नागरिकहरुलाई धार्मिक भ्रमण गराउने

कपन अनलाइन

काठमाडौं फागुन १२ । गोकर्णेश्वर नगरपालिका वडा नं ७ ले ज्येष्ठ नागरिक सम्मान स्वरुप धार्मिक भ्रमण गराउने  सम्बन्धमा सार्वजनिक सुचना  जारी गरेको छ ।

वडा सचिव द्वारा जारी गरेको उक्त सुचनामा गोकर्णेश्वर नगरपालिकाको आर्थिक वर्ष २०७७/७८को स्वीकृत कार्यक्रम अन्तर्गत ज्येष्ठ नागरिक सम्मान र धार्मिक यात्रा कार्यक्रम निम्न मिति र स्थानमा हुने भएकोले वडा भित्र बसोबास गर्ने ज्येष्ठ नागरिकहरुले २०७७ साल फागुन २० गते सम्म नागरिकताको प्रतिलिपि १ प्रति र पासपोर्ट साइजको फोटो २ प्रति सहित वडा कार्यलयमा बुझाउन वडा बैठकको मिति २०७७ साल फागुन ११ गतेको निर्णय भए अनुसार सार्वजनिक सूचना मार्फत जानकारी गराइएको उल्लेख गरिएको छ।२०७७ साल फागुन २८ गते  देखि चैत्र १ गते सम्म गरि तीन दिन बाग्लुङ कालिका र बाटोमा पर्ने अन्य धार्मिक स्थल भ्रमण गराइने पनि उल्लेख गरिएको छ।