नक्कली लाइसेन्ससहित १ जना पक्राउ

कपन अनलाइन

काठमाडौं ,मंसिर २४।

महानगरीय ट्राफिक प्रहरी महाशाखाको टोलीले ३८ थान नक्कली लाइसेन्ससहित १ जनालाई पक्राउ गरेको छ । टोलीले मध्यपुर थिमीबाट हिजो एकजनालाई पक्राउ गरेको हो ।

सिन्धुपाल्चोक, साँगाचोकगढी १२ का २८ वर्षीय आशिष गिरीलाई नक्कली लाइसेन्स, विभिन्न बैङ्कका चेक र हुण्डाईको गाडीसहित पक्राउ गरिएको महाशाखाले जनाएको छ । बा १५ च ४६८४ नम्बरको गाडीसहित गिरी पक्राउ परेका हुन् ।