बुढानिलकण्ठ नगरपालिका वडा -१० मा जेष्ठ नागरिक दिवस मनाइयो

कपन अनलाइन

काठमाडौं ,असोज १५ ।

बुढानिलकण्ठ नगरपालिका वडा -१० मा जेष्ठ नागरिक दिवस मनाइएको छ । बुढानिलकण्ठ नगर पालिका की उपप्रमुख रमा राइको प्रमुख आतिथ्यता मा भएको सो कार्यक्रममा वडा -१० का अध्यक्ष नवराज भट्टराई , वडा सदस्यहरु  चन्द्रमान श्रेष्ठ , दिल कुमारी बिक , कपन बहुमुखी क्याम्पसका प्रमुख भुमिदत्त पौडेल , नगरपालिका बालबालिका शाखाका पुस्पा बम लगायत अतिथि रहेका थिए ।

जेष्ठ नागरिक समाज बुढानिलकण्ठ -१० का अध्यक्ष उद्दव दाहालको अध्यक्षतामा भएको सो कार्यक्रम जेष्ठ नागरिक दिवसको अवसरमा आयोजना गरिएको थियो । सन १९९१ देखी हरेक वर्षको अक्टोबर १ तारिकका दिन जेष्ठ नागरिक दिवस मनाइदै आएको छ।