संकटमा रक्त अभाव पुरा गर्न रक्तदान गरौ : सोम मिश्र ( नगर प्रमुख चाँगुनारायण नगरपालिका )
कपन अनलाइन
काठमाडौं ,भाद्र १३।
कोरोना प्रकोपका कारण उपचार र अस्पतालमा रहेका व्यक्तिहरुलाई आवस्यक परेको रगतको अभाव पूर्ति गर्नका लागि रक्तदान गर्न चाँगुनारायण नगरपालिकाका प्रमुख सोम मिश्रले आव्हान गरेका छन।
अहिलेको विषम परिस्थितिमा आपतकालीन मनवीय सेवाका रुपमा रहेकोले नेपाल सरकारले आव्हान गरे अनुसार रक्तदान गर्न र सो सम्बन्धि कार्यक्रम गर्नका लागि प्रेरित गर्नुपर्ने बताउदै प्रमुख मिश्रले नगरपालिकाका संघ संस्थालाई आवस्यक तयारीका लागि अपिल गरेका छन ।
चाँगुनारायण नगरपालिका वडा नं ९ ताथलीमा आयोजना गरिएको रक्तदान कार्यक्रममा बोल्दै मिश्रले आफुलाई सधै रक्तदान गर्ने इच्छा भए पनि रक्तचापका कारण सधै नमिलेकोमा दुख व्यक्त गरेका थिए।
नालाछाप प्रगतिशील महिला बचत तथा ऋण सहकारी संस्था र ताथली नर्सिंग ग्रुपको आयोजनमा भएको कार्यक्रममा रक्तदान गर्दै नगर प्रमुख मिश्रले सो कार्यक्रममा ६२ जनाले रक्तदान गरेकोमा रक्तदातालाई धन्यवाद दिएका छन।
