बिचौलियाको हितमा नभई पशुपति क्षेत्रको हितमा काम गर्न पर्यटन मन्त्री भट्टराईको निर्देशन

कपन अनलाइन

काठमाडौं ,असार २८ ।

संस्कृति, पर्यटन तथा नागरिक उड्डयन मन्त्री योगेश भट्टराईले कोही अमूक बिचौलियाको हितमा नभई बृहत्तर पशुपति क्षेत्रको हितमा लाग्न पशुपति क्षेत्र विकास कोषका पदाधिकारी तथा कर्मचारीलाई निर्देशन दिएका छन ।

कोषको समिक्षा बैठकलाई सम्बोधन गर्दै मन्त्री भट्टराईले वृहत्तर पशुपति क्षेत्र विकास अन्तर्गतका प्करत्येक  योजनाहरु सो क्षेत्रबाट प्रतिनिधित्व गर्ने संघीय, प्रदेश तथा स्थानीय तहका जनप्रतिनिधि, राजनीतिक दलका प्रतिनिधि र स्थानीय अगुवाहरु राखेर सार्वजानिक सुनुवाई मार्फत अगाडी बढाउन निर्देशन दिएका छन ।

मन्त्रि भट्टराईले यदाकता कोही बिचौलियाका स्वार्थमा पनि काम हुने गरेको गुनासो सुन्ने गरिएकोले  त्यस्तो काम जो कोहीले गरेको भएपनि राम्रो नभएको भन्दै  जे गर्ने हो त्यो पशुपतिको हितलाई ध्यानमा राखेर मात्र गर्न निर्देशन दिएका थिए।
गत पुस २६ मा  ८ घण्टा पशुपति क्षेत्रकोे स्थलगत भ्रमण गरि  मा तत्कालीन र दिर्घकालीनरुपमा गर्नुपर्ने कामबारे ४८ बुँदे निर्देशन दिएका मन्त्री भट्टराईले  कोषको गोठाटारको जग्गा अतिक्रमण बारे हिजो मात्रै विभिन्न संचार माध्यमहरुमा समाचारप्रति आफ्नोे ध्यानाकर्षण भएको उल्लेख गर्दैै ‘छिट्टै चार किल्ला निश्चित गरेर आफ्नो जग्गामा तारबार गर्न र  कोषको जग्गामा संरचना बनाइएको छ भने सो हटाउन निर्देशन दिएका थिए।

पशुपतिलाई राष्ट्रिय गौरवको आयोजना भित्र राखेर राष्ट्रले प्राथामिकताको सूचीमा राखेको स्मरण गराउँदै मन्त्रि भट्टराईले भने –‘ यहाँ गरिने लगानीले यसलाई पर्यटकीय गन्तव्यकारुपमा थप परिष्कृत त बनाउँछ नै त्यसका अतिरिक्त लगानी गरिसकेपछि राज्यले आम्दानीको समेत अपेक्षा राखेको हुन्छ ।’

तर, यस्ता धार्मिक तथा सांस्कृतिक महत्वका स्थलहरुमा नीजि क्षेत्रको समेत लगानी हुने योजनामा धेरै संवेदनशील हुनुपर्नेमा जोड दिदैं मन्त्री भट्टराईले भने –‘ यस्ता स्थलहरुको लगानीका सम्बन्धमा लगानीकर्ताको सार्वजानिक छवीलाई पनि ख्याल गरौं ।’ गत वर्ष कोषको वार्षिक बजेट कार्यक्रम आर्थिक वर्ष शुरु भएको तीन महिनापछि आएको स्मरण गराउँदै  यो वर्ष साउनको दोस्रो हप्ताभित्रै बजेट ल्याउन पनि उनले  निर्देशन दिएका छन  ।
अब मुलुक विस्तारै विश्वव्यापी महामारीको रुप लिईरहेको कोभिड–१०को त्रासबाट माथि उठ्दै गरेको र सर्वाजानिक सवारी साधनहरु पनि चल्न थालेको अवस्थामा निश्चित समयसम्मका लागि स्वास्थ्य सुरक्षासम्वन्धी प्रोटोकल बनाएर पशुपतिनाथको दर्शन पनि खुला गर्नेगरि तयारी शुरु गर्न पनि मन्त्री भट्टराईले निर्देशन दिएका छन।
बैठकमा मन्त्रालयका सचिव केदारबहादुर अधिकारीले पशुपति क्षेत्र विश्व सम्पदामा सूचीकृत भएको हुनाले यो क्षेत्रमा नयाँ संचरना निर्माण गर्दा युनेस्कोको मापदण्डलाई समेत आधार बनाएर गर्नुपर्ने बताएका थिए भने   बैठकमा कोषका सदस्य सचिव डा प्रदीप ढकाल र कार्यकारी निर्देशक डा घनश्याम खतिवडाले लकडाउनका समयमा पनि कोषले गरेका कामहरुबारे जानकारी गराउँदै आउने दिने गर्न लागिएका योजनाका सम्वन्धमा जानकारी दिएका थिए।
पुस २६ मा मन्त्री भट्टराईले दिनुभएको निर्देशन पछि कोषले लकडाउनको समयमा पनि डेक पार्किङ, बेद विद्याश्रम, डिअर पार्क (मृग उद्यान), भण्डारखाल पार्क, बहुउद्येश्यीय सभा हल लगायतको निर्माणको विस्तृत परियोजना प्रतिवेदन तयार पारेको छ ।

सो  प्रतिवेदनलाई पनि सबै जनप्रतिनिधी, राजनीतिक दलका प्रतिनिधी र स्थानीय अगुवासहितको सार्वजानिक सुनुवाई गराएर १५ दिन भित्र मन्त्रालयमा पेस गर्न साथै कोषले तयार पारेको कोषको वेवसाईट, फेसबुक, ट्वीटरलगायतका एप्सहरु आउदो साउनको पहिलो सोमबारवाट संचालनमा ल्याउन पनि मन्त्री भट्टराईले निर्देशन दिएका छन।
त्यस्तै आजै मन्त्रि भट्टराईले प्रतिलिपि अधिकार रजिस्टारको कार्यालयको समेत निरीक्षण गरी नतिजा देखिने गरी काम गर्न निर्देशन दिएका छन  ।