काठमाडौं महानगरपालिका वडा नं ३ मा कौशि खेती तालिम सम्पन्न

कपन अनलाइन

काठमाडौं ,असार २७।

काठमाडौं महानगरपालिका वडा नं ३ मा कौशि खेती तालिम सम्पन्न भएको छ।  काठमाडौं महानगरपालिका वडा नं ३ र धारापाटी मार्गको  महिला समुहको संयुक्त आयोजनामा भएको सो तालिममा कौशी खेतीका विभिन्न पक्षहरुको वारेमा तालिम प्रदान गरिएको थियो।

वडा नं ३ का वडावासिहरुलाई स्वस्थ र अर्गानिक तरकारी खुवाउने अभियान स्वरूप सो तालिम आयोजना गरिएको जानकारी दिदै वडा नं ३ का अध्यक्ष दिपक केसीले वडाका अन्य स्थानमा पनि क्रमस तालिम संचालन गर्ने बताएका छन।

सो कौशि खेती तालिममा सहभागी रहेका २५ जनालाई दुधको क्यारेट दुईवटा,कपडाको गमला ३ वटा,बिभिन्न जातको बिउहरु,कोकोपिट पांच केजी, मल १० के जी र भिटामिन १ लिटर र बिरुवा र फल राम्रो हुने औषधी एक बट्टा लगायतका सामाग्री पनि प्रदान गरिएको अध्यक्ष केसीले जानकारी दिएका छन।