जिसस काठमाडौं द्वारा काठमाडौं क्षेत्र नं ४ (२ ) का योजनाहरूको अनुगमन

कपन अनलाइन

काठमाडौं ,असार १४।

जिल्ला समन्वय समितिको टोलीले काठमाडौं क्षेत्र नं ४ (२ ) का विभिन्न योजनाहरूको अनुगमन गरेको छ।जिल्ला समन्वय समिति काठमाडौंकी सदस्य सावित्रा ढकाल (भट्टराई ) र जिल्ला समन्वय अधिकारी पिताम्बर अधिकारीको टोलीले बुढानिलकण्ठ नगरपालिका वडा नं २ को सुन्दरटार पार्क ,  वडा नं १३ का  श्री सिद्दी गणेश मन्दिर पुनर्निर्माण, प्रदेश पार्क तथा नैलिङ्गेश्वर भद्रकाली मन्दिर स्तरोन्नति तथा पार्क निर्माण  योजनाको अनुगमन गरेको थियो।

बागमती प्रदेस सरकारको बजेट व्यवस्थापनमा निर्माण भैरहेका योजनाहरुको अनुगमनमा प्रदेस सभा सदस्य न्युछे नारायण श्रेष्ठ ,वडा नं २ का अध्यक्ष राजेन्द्र खड्का ,वडा नं १३ का अध्यक्ष श्री कृष्ण श्रेष्ठ,बुढानिलकण्ठ नगरपालिकाका इन्जिनियर बैकुण्ठ भण्डारी ,वडा नं २ कि सदस्य ज्ञानु भण्डारी ,वडा नं १३ का सदस्य श्याम श्रेष्ठ  लगायतको सहभागिता रहेको थियो।

सो अनुगमनका क्रममा योजनाहरुको प्रगति विवरण ,समस्याहरु र अन्य विविध पक्षहरुको वारेमा जानकारी लिइएको थियो।