नेपाल खेलकुद पत्रकार मञ्चलाई स्वास्थ्य सामाग्री सहयोग

कपन अनलाइन

काठमाडौं ,जेष्ठ ३१।

कोरोना भाईरस (कोभिड–१९) महामारी विरुद्ध लड्नका लागि नेपाल भलिबल संघका सदस्य रोशन श्रेष्ठले नेपाल खेलकुद पत्रकार मञ्च (एनएसजेएफ) का सदस्यहरुलाई सुक्रबार मास्क र सेनिटाईजर सहयोग गरेका छन।

संघका सदस्य श्रेष्ठले मञ्चका अध्यक्ष दुर्गा नाथ सुवेदी (देवेन्द्र) लाई एक सय थान केएन–९५ मास्क र एक सय थान सेनिटाईजर हस्तान्तरण गरेका थिए  । श्रेष्ठले पुल्चोक इन्जिनियरिङ कलेज अल्मुनाई एसोसिएसन र दावाली मिलन क्लबको तर्फबाट उक्त सामग्री सहयोग गरेको बताएका छन।

‘कोरोनाविरुद्धको युद्ध सामुहिक भावनाले मात्र जित्न सकिन्छ । फ्रन्ट लाईनमा रहेर अहोरात्र खटिने पत्रकारलाई सुरक्षाको लागि सानो सहयोग गरेका हौं,’ श्रेष्ठले भने ।

मञ्चका अध्यक्ष सुवेदीले महामारीकोबीच काममा निरन्तर लागिरहने पत्रकार साथीहरुको लागि प्राप्त सहयोग प्रति धन्यवाद ज्ञापन गर्नु भएको थियो । श्रेष्ठको पहलमा यसअघि पनि नेपाल चिकित्सक संघलाई पनि एक हजार थान केएन–९५ मास्क सहयोग गरिएको थियो ।