एन्फा अध्यक्ष कर्मा छिरिङ शेर्पालाई कारवाही गर्न चार जिल्ला फुटवल संघको माग

कपन अनलाइन

काठमाडौं ,जेष्ठ २३।
अखिल नेपाल फुटबल संघ (एन्फा) अध्यक्ष कर्मा छिरिङ शेर्पालाई कारवाहीको माग गर्दै  चार जिल्ला फुटबल संघले राष्ट्रिय खेलकुद परिषद्का उपाध्यक्ष पिताम्बर तिम्सिनालाई शुक्रबार पत्र बुझाएका छन् ।
काठमाडौं जिल्ला फुटबल संघका अध्यक्ष विराटजंग शाही, ललितपुर जिल्ला फुटबल संघका अध्यक्ष पुरुषोत्तम थापा, भुक्तपुर जिल्ला फुटबल संघका अध्यक्ष गौतम सुजखु र धादिङ जिल्ला फुटबल संघका अध्यक्ष दीपक खतिवडा लगायतले एन्फा अध्यक्ष शेर्पालाई कारवाही माग गर्दै   उपाध्यक्ष तिम्सिनालाई पत्र बुझाइएका हुन् ।
त्रिपुरेश्वरको राखेप स्थित आफ्नै कार्यकक्षमा पत्र बुझ्दै उपाध्यक्ष तिम्सिनाले पत्रमा उल्लेख भएका विषयमा बुझ्ने बताउदै एकिकृत ढंगले एन्फा चलोस् भन्ने आफूले चाहेको धारणा व्यक्त गरेका थिए।