विश्व वातावरण दिवसकाे अवसरमा कम्युनिटी केयर नेपालको वृक्षारोपण

कपन अनलाइन 

काठमाडौं ,जेष्ठ २३।

कम्युनिटी केयर नेपाल नामक सामाजिक संस्थाले विश्व वातावरण दिवसकाे अवसरमा वृक्षारोपण गरेको छ।  “रुख राेपाैं, वातावरण जाेगाऔ”  भन्ने मूल नाराका साथ  बूढानीलकण्ठ नगरपालिका वडा नं. ४ सँगकाे सहकार्यमा धन्ये ढिकुराे र बूढानीकण्ठ नगरपालिका वडा नं. ८ सँगकाे सहकार्यमा रुद्रमति फुस्रेपाखामा बृक्षाराेपण गरिएको  हो ।

वडा नं ४ मा ५० वटा र वडा नं  ८ मा ५० वटा गरी १०० वटा विरुवा  बृक्षाराेपण गरिएकाे उक्त कार्यक्रममा बुढानिलकण्ठ -४ का अध्यक्ष राजु खड्का ,सदस्य श्री राम केसी , वडा नं ८ का सदस्य माधव पौडेल  कम्युनिटी केयर नेपालका सम्पूर्ण पदाधिकारी, सल्लाहकार, आजीवन सदस्यहरु सहित  बिभिन्न संघ सस्थाका प्रतिनिधि तथा समाजसेवीहरुकाे उपस्थित रहेकाे थियाे।