गोकर्णका कोरोना संक्रमित संगै भैरहवा देखि आएका थिए बुढानिलकण्ठका एक व्यक्ति
कपन अनलाइन
काठमाडौं ,जेष्ठ ७।
गोकर्णेश्वर नगरपालिका वडा नं ४ मा एक व्यक्तिमा कोरोना संक्रमण देखिएका व्यक्ति संगै बुढानिलकण्ठका एक व्यक्तिले पनि भैरहवा देखि यात्रा गरेको खुलेको छ । करिव १ हप्ता अगाडी भैरहवा बाट काठमाडौं फर्किएका ति व्यक्तिको PCR जाच पोजिटिभ आए संगै वडामा उच्च सतर्कता अपनाइएको छ।
कोरोना संक्रमित व्यक्ति संगै आएका बुढानिलकण्ठका ति व्यक्तिको RDT नेगेटिभ आएको जानकारी दिदै बुढानिलकण्ठ नगर प्रमुख उद्दव खरेलले उनको PCR परिक्षण गरिने जानकारी दिएका छन।
त्यस्तै ५५ वर्षका ति पुरुष गोकर्णेश्वर -४ किसिगालमा बस्दै आएका थिए। उनलाई उपचारको प्रवन्ध गर्दै उनको सम्पर्कमा आएकाहरुको विवरण संकलन गरि ७ जनाको PCR परिक्षण गरिएको छ ।
उक्त व्यक्तिका परिवारमा रहेका डेढ वर्षे वालक देखि ६० वर्षीय महिलाको पनि परिक्षण गरिएको छ ।त्यस्तै उनको सम्पर्कमा आएका ३६,२७,२३,२८,५० वर्षका व्यक्तिहरु पनि नेपाल मेडिकल कलेजमा परिक्षण गरिएको छ।
