गोकर्णेश्वर ९ को भगवती स्थान र शिवपुरी क्षेत्रमा सडक बत्ति जडान

कपन अनलाइन

काठमाडौं बैशाख २०  गोकर्णेश्वर नगरपालिका वडा नं ९ को सहयोगमा शंखडोल भगवतीस्थान र शिवपुरी वरीपरि सडक बत्ति जडान गरिएको  छ।भगवती युवा क्लबको सक्रियतामा उक्त क्षेत्रको लागि वडाको सहयोगमा सडक बत्ति जडान गरिएको भगवती युवा क्लबका अध्यक्ष संजय बि .क ले कपन अनलाइनलाइ बताए  ।

अँध्यारोमा समेत आवतजावत गर्न सहज बनाउने उद्देश्यले वडा नं ९ को भगवतीस्थान र शिवपुरी चोक लगायतको क्षेत्र भित्र रहेका बिजुलीका पोलहरुमा सडक बत्ती आज जडान गरिएको हो ।  सडक बत्ति जडान भए संगै रातमा आपतबिपत पर्दा समेत सहज रुपमा हिडडुल गर्न सकिने भएको छ ।

सडक बत्ती बलेसंगै सो क्षेत्रमा हुन सक्ने सम्भावित चोरिको घटनामा कमि आउने बिश्वास स्थानीयले लिएका छन् ।वडा अध्यक्ष राजिब थापाका अनुसार वडा नं ९ भरि सौर्य बत्तिको लागि टेन्डर आवहान भए पनि अहिलेको विषम परिस्थितिले गर्दा त्यो काम केहि पर सरेको र हाललाई ९ नं को  सो क्षेत्रमा सडक बत्ति  जडान गरिएको बताए ।