सुनौलो पाइला संस्था गोकर्णेश्वर ९ लाइ आर्थिक सहयोग

कपन अनलाइन

काठमाडौँ,फागुन ३०।गोकर्णेश्वर नगरपालिका वडा नं ९ शंखडोलमा संचालित सुनौलो पाइला संस्थालाइ Win Recruitment_Pvt.Ltdको  तर्फ बाट बालबालिकाहरुको शिक्षाको लागि आर्थिक,शैक्षिक  तथा खाधान्न सहयोग गरेको छ।फागुन २४ गते शनिबार  सामाजिक उत्तरदायित्व अन्तर्गत सहयोग गरेको हो ।

Win_Recruitment_Pvt.Ltd का म्यानिजिंग डाइरेक्टर  माधब कार्की (शुशील) सहितको टोलीले संस्थामा पुगेर एक कार्यक्रमका बीच उक्त सहयोग हस्तान्तरण गरेका हुन्  ।समाजसेवी  रोजिना बिष्ट (रोज)को  प्रयासमा संचालनमा रहेको सुनौलो पाइला संस्थामा हाल १४ जना  बाबुआमा बिहिन, असाहाय र आर्थिक बिपन्न  बालबालिकाहरुले आश्रय लिइरहेका  छन्। ति बालबालिकाहरुको पालनपोषण, स्वास्थ्य, शिक्षा लगायतको आधारभूत आवश्यकतालाइ  सो संस्थाले बहन गर्दै आएको छ। संचालकको प्रयास र सहयोगी दाताहरुको सहयोगबाट सो संस्था संचालन हुँदै आएको छ।

उक्त सहयोग रकम हस्तान्तरण कार्यक्रममा बोल्दै संचालिका रोजिना बिष्ट (रोज)ले आफुलाई  आफ्नो सुख सुविधा भन्दा संस्थामा आश्रित असहाय बालबालिका प्रतिको जिम्मेवारी महत्वपूर्ण लाग्ने बताएकी थिइन् ।उनले बालबालिकाहरुको शिक्षाको लागि सहयोग गरेको मा सहयोगी दाताहरुलाई धन्यवाद दिदै आगामी दिनमा पनि यस्तै सहयोगको अपेक्षा गरेकी थिइन्।

कार्यक्रममा बोल्दै Win_Recruitment_Pvt.Ltd का माधब कार्की (शुशील)ले कार्यक्रमको सुरुवात मात्रै भएको र आगामी दिनमा पनि सहयोग गर्ने भन्दै सम्पूर्ण सहयोगी मनहरुलाई धन्यवाद ज्ञापन गरेका थिए । पहिलो चरणमा सहयोग थौरै भएपनि बालिबालिकाहरुको अध्ययन र शिक्षाको समस्यालाई केही हदसम्म राहत  पुगोस भन्ने हेतुले सहयोग गरेको  बताए ।संस्थामा रहेका बालबालिकाहरुले पढाइमा राम्रो प्रगति गर्दै आएकोमा खुसि लागेको बताउदै  सामाजिक उत्तरदायित्व अन्तर्गत सहयोग गरेको र आगामी दिनमा पनि सहयोग गर्ने प्रतिबद्दता ब्यक्त गरेका थिए ।

उक्त सहयोग हस्तान्तरण कार्यक्रममा । Win_Recruitment_Pvt.Ltd का यम नारायण खनाल, दिनेश तिवारी,बासुदेब लामिछाने, दिल श्रेष्ठ, पुजा सापकोटा,प्रतिमा ढकाल, सपि माया तामाङ, विजय बलाल तामाङ, गौरी पण्डित लगायतको उपस्थिति रहेको थियो । कार्यक्रम संचालन संस्थाकी सचिब अमृता केसीले गरेकी थिइन् ।