दोस्रो बुढानिलकण्ठ  महिला फूटबल प्रतियोगिताको उपाधि ढुकु फुटसललाई

कपन अनलाइन 

काठमाडौँ,फागुन २३।दोस्रो बुढानिलकण्ठ  महिला फूटबल प्रतियोगिताको उपाधि ढुकु फुटसलले जितेको छ।

सिद्धेश्वर सेवा समाजले बुनापा १० स्थित हनड्बल्ल मैदानमा गत सोमबार देखि आयोजना गरेको महिला  फूटबल प्रतियोगिताको समापन कार्यक्रममा प्रमुख अतिथि संघिय सांसद गगन कुमार थापाको प्रमुख आतिथ्यतामा र बुनपाका उपमेयर रमा राईको विशेष आतिथ्यता रहेको थियो।

सो कार्यक्रममा बुनपा १० का  वार्ड अध्यक्ष नबराज भट्टराई,समाज सेवी मिठाराम अधिकारी,नेका नेता श्याम डोटेल, स्थानीय समाजसेवी, बुद्दिजिवि, संचारकर्मी लगायतका व्यक्तिको उपस्थिति रहेको थियो ।

बुढानिलकण्ठ नगरपालिका वडा नं १० को ह्यान्डबल खेल मैदानमा भएको उक्त प्रतियोगिताको बिजेता ढुकु फुटसलले  एक लाख नगद पुरस्कार प्राप्त गरेको छ  भने उप बिजेता कुमारी फुटसलले  ५० हजार नगद पुरस्कार प्राप्त गरेको आयोजकले जानकारी दिएको छ ।