टेक्सस धन्वन्तरी फुटसल कप आजबाट

कपन अनलाइन

काठमाडौं माघ २७   । टेक्सस इन्टरनेशलन कलेज, मित्रपार्क र धन्वन्तरी फुटसलको संयुक्त आयोजनामा टेक्सस–धन्वन्तरी कप अन्तरकलेज प्लस टु फुटसल प्रतियोगिता आजबाट  हुने भएको छ ।
आइतबार टेक्सस इन्टरनेसनल कलेजमा आयोजित पत्रकार सम्मेलनमा सो बारे जानकारी गराइयो ।

प्रतियोगितामा १९ छात्र टिमको सहभागिता रहने छ । जसलाई ६ ग्रुपमा विभाजन गरि लिग चरण खेल गराइने छ भने सो पश्चात नकआउट चरणका खेलहरु हुने इभेन्ट म्यानेजर प्रविन खड्काले बताए ।
पत्रकार सम्मेलनमा बोल्दै टेक्सस एजुकेशन नेटवर्कका सिईओ भेषराज पोखरेलले कलेजबीचमा भाइचारा सम्बन्धको विकास होस् भन्नका लागि धन्वन्तरी फुटसलसंगको सहकार्यमा फुटसल प्रतियोगिता आयोजना गर्न लागिएको बताए ।

शीर्ष तीन स्थान हात पार्ने टिमलाई क्रमशः १ लाख, ५० हजार र २५ हजार नगदसहित ट्रफी, मेडल र प्रमाण पत्र प्रदान गरिने टेक्सस इन्टरनेशनल स्कुलका प्रिन्सिपल श्यामसुन्दर श्रेष्ठले बताए । यस्तै प्रतियोगितामा सहभागि हुने खेलाडीहरुलाई ब्याचलर अध्ययनका लागि एक लाखसम्मको छात्रबृत्ति कलेजको तर्फबाट प्रदान गरिने श्रेष्ठले भने । दुईदिने प्रतियोगिताका खेलहरु धन्वन्तरी फुटसलमा खेलाइने छ ।