नेपाली कांग्रेसका युवा नेता रामहरि खतिवडाको पहलमा जीप दुर्घटनाका घाइतेलाई हेलिकप्टरमार्फत उद्धार

कपन अनलाइन

काठमाडौं, माघ १३।नेपाली कांग्रेसका युवा नेता एवम् पूर्वसांसद रामहरि खतिवडाले जीप दुर्घटनाका घाइतेहरूलाई ओखलढुंगाबाट हेलिकप्टरमार्फत उद्धार गरेर काठमाडौं ल्याएका छन् ।

ओखलढुंगा जिल्लाको फेदीकोटमा सोमबार बिहान बोलेरो जीप दुर्घटना भएको थियो । दुर्घटनामा फेदीकोट – ५ का सन्तोष बिकको मृत्यु भएको छ । दुर्घटनामा कुमारी बिक, अनिता बुढाथोकी र जितबादुर खत्री गम्भीर घाइते भएको नेपाली कांग्रेसका युवा नेता खतिवडाले जानकारी दिए ।

घाइते तीन जनालाई काठमाडौंको ह्याम्स अस्पतालमा उपचार भइरहेको छ । घाइतेहरूको अवस्था गम्भीर रहेको खतिवडाले बताए ।