सोह्रखुट्टेमा अनियन्त्रित ट्याङकरद्वारा ६ वटा गाडीलाई ठक्कर

कपन अनलाइन्

काठमाडौं,पुस १५। काठमाडौं सोह्रखुट्टेमा पानी बोक्ने ट्याङ्करले ६ वटा गाडीलाई ठक्कर दिएको छ । ।

बा ३ ख ९४५० नम्बरको पानीले भरिएको ट्याङ्कर ओरालोमा ब्रेक नलागेपछि अगाडिका गाडीलाई ठक्कर दिँदै एउटा घरमा पुगेर जोतिएको थियो ।

ठक्करबाट चार वटा कार, एउटा बस र एउटा मोटरसाइकलमा क्षति पुगेको छ । अनियन्त्रित ट्याङ्कर वीरबहादुर तामाङ र विषयजंग गुरूङको घरमा ठोक्किएर रोकिएको थियो । घरमा पनि सामान्य क्षति भएको छ ।

ठक्करबाट मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टेले जनाएको छ । ट्यांकर चालक  फरार रहेको प्रहरीले जनाएको छ ।