रुट्स फेसन र थ्रि स्टारविच सम्झौता

कपन अनलाइन

काठमाडौं, पुस १। नेपालमा एडिडासको आधिकारीक बिक्रेता रुट्स फेसन र रुस्लान थ्रि स्टार क्लबविच प्रायोजन सम्वन्धि सम्झौता भएको छ ।
सोमबार ललितपुरस्थित अशोक पार्टी प्यालेसमा रुट्स फेसनका प्रवन्ध निर्देशक संजीव तुलाधर र क्लबका अध्यक्ष अरुण मान जोशीले सम्झौता पत्रमा हस्ताक्षर गरे ।
रुट्स फेसनले थ्रि स्टारलाई एक बर्षका लागि २५ लाख बराबरको जर्सी, मोजा, ट्रायकसुट, बुट, फुटबल, ब्याग, गोलकिपर ग्लोभ्स, स्पोर्ट सुज लगायतका सामाग्री उपलब्ध गराउने सम्झौता भएको छ ।
रुट्स फेसनले यस अघि २००५ मा पनि थ्रि स्टारलाई प्रायोजन गरेको रुट्स फेसनका प्रवन्ध निर्देशक तुलाधरले बताए ।
सम्झौता पत्र हस्ताक्षर कार्यक्रम अखिल नेपाल फुटबल संघका अध्यक्ष कर्मा छिरिङ्ग शेर्पाको प्रमुख आतिथ्यतामा सम्पन्न भएको थियो ।