नागढुङ्गावाट लागुऔषध सहित एक नियन्त्रणमा
कपन अनलाइन
काठमाडौं , मंसिर २० । महानगरीय प्रहरी प्रभाग नागढुङ्गाले लागुऔषध सहित एकजनालाई पक्राउ गरेकाे छ ।
चन्द्रागिरी नगरपालिका वडा नं. २ नागढुंगा स्थित धनुषाबाट काठमाण्डौ तर्फ आउदै गरेको ना.७ ख ३५०८ नम्बरको यात्रु बहाक बस बाट लागु औषध सहित एकजनालाई पक्राउ गरेकाे हाे । महानगरीय प्रहरी बृत्त थानकोटका प्रमुख डिएसपी कुमार बिक्रम थापाले सोहि गाडीमा सवार भई आएका सोहि गाडीको कन्डक्टर हुँ भनि बताउने पक्राउ पश्चात नामथर वतन खुल्न आएका जिल्ला धनुषा सबेला नगरपालीका वडा नं. ९ घर बताउने वर्ष २० को अतिशुभ ठाकुर बिरहीलाई लागु औषध सहित पक्राउ गरिएकाे बताए ।
डिएसपी थापाका अनुसार बिरहीकाे साथवाट नेपाल सरकारबाट प्रतिबन्धित लागुऔषध (नाईट्राभेट १०) लेखिएको ५१० ट्याब्लेट फेला परेको छन् । उनलाई थप अनुसन्धानका लागि महानगरीय प्रहरी बृत्त थानकोट राखिएको छ ।
तपाइँको प्रतिक्रिया ।
