चन्द्रागिरि नगरपालिकाको प्रशासकिय भवन शिलान्यास
कपनअनलाइन
काठमाडौं, मंसिर ११ । चन्द्रागिरि नगरपालिकाको प्रशासकिय भवन निर्माणको शिलान्यास कार्यक्रम सम्पन्न भएको छ ।
चन्द्रागिरि नगरपालिकाका नगर प्रमुख घनश्याम गिरीको अध्यक्षतामातथा जिल्ला समन्वय समिति काठमाडौंका प्रमुख शिवसुन्दर राजवैद्यको प्रमुख आतिथ्यतामा सो कार्यक्रम सम्पन्न भएको हो ।
उक्त भवन शिलान्यास समारोहमा नगर उपप्रमुख लिशा नकर्मी, जि.स.स. उपप्रमुख एवं जिल्ला समन्वय समितिका सदस्यहरु, नगरपालिकाका वडा अध्यक्ष एवं कार्यपालिका सदस्यहरु, नगरस्तरीय राजनैतिक पदका प्रतिनिधिहरु, सुरक्षा निकायका प्रमुख एवं प्रतिनिधिहरु, विद्यालयका प्रधानाध्यापक,, वैंक तथा वित्तीय संस्थाका प्रमुख एवं प्रतिनिधिहरु, नगरपालिकाका कर्मचारीहरु, स्वास्थ्यकर्मीहरु, संचारकर्मीहरु एवं स्थानीयवासीहरुको उपस्थिति रहेको थियो ।
नगर प्रवक्ता एवं वडा नं. ११ का अध्यक्ष हरिभक्त महर्जनले संचालन गरेको उक्त कार्यक्रममा वडा नं. १२ का वडा अध्यक्ष प्रकाश श्रेष्ठले समारोहमा उपस्थित सम्पूर्ण सहभागीहरुलाई आफ्नो मन्तव्य सहित स्वागत गरेका थिए ।
उक्त कार्यक्रममा प्रमुख प्रशासकिय अधिकृत, जिल्ला समन्वय अधिकारी, नगरस्तरीय राजनैतिक दलका प्रतिनिधिहरुले शुभकामना मन्तव्य दिएका थिए।
सो कार्यक्रमका प्रमुख अतिथि जि.स.स. काठमाडौंका प्रमुख शिवसुन्दर राजवैद्यले जिल्ला समन्वय समितिसंग भवन निर्माणका लागि सम्झौता गरी भवन निर्माणको कार्य थालनी गर्ने पहिलो नगरपालिका भएकोमा वधाई दिएका थिए ।
कार्यक्रमका सभाध्यक्ष एवं नगर प्रमुख घनश्याम गिरीले उपस्थित सम्पूर्ण सहभागीहरुलाई धन्यवाद ज्ञापन सहित कार्यक्रमको समापन गरेका थिए ।
