भ्याली पब्लिक कप अन्तर बिद्यालय बास्केटबल प्रतियोगितामा समिट र कन्स्टिलेसन विजयी

कपनअनलाइन

काठमाडौं,कार्तिक २९। न्यु समिट र कन्स्टिलेसनले भ्याली पब्लिक कप अन्तर बिद्यालय बास्केटबल प्रतियोगिताको ब्वाइजमा बिहीबार जित हात पारेका छन् ।
न्यु समिटले केभीकेएसएसलाई ४५–३० तथा कन्स्टिलेसनले हिमालयन एकेडेमीलाई ३१–२६ ले पराजित गरे । न्यु समिटका सशांक महर्जनले १४ तथा कन्स्टिलेसनका उदिप राईले २२ अंक जोडे ।
ब्वाइजमै डिएनएले बाल विकासलाई २५–१६, गोल्डेनपिकले एचएचसीएलाई ५१–१५, आयोजक भ्याली पब्लिकले स्नो एपेक्सलाई ५१–३५ र एन्जल्स हर्टले भद्रकालीलाई २५–२० ले हराए । गल्र्समा एचएचसीएले फ्लोरोसेन्टलाई ३३–२३ तथा टीआईएले ओडिसीलाई ३०–११ ले पाखा लगाए ।