एल.आर.आई. स्कूल ८ औं स्पोर्टस फेस्ट अन्तरगत बास्केटबल प्रतियोगिताका ६ वटा म्याचहरु सम्पन्न

कपनअनलाइन

काठमाडौं,कार्तिक २८। एल.आर.आई. स्कूल ८ औं स्पोर्टस फेस्ट अन्तरगत  बास्केटबल प्रतियोगिताका ६ वटा म्याचहरु सम्पन्न भएको छ ।

एल.आर.आई. स्कूलको खेल मैदानमा जारी प्रतियोगिताको  चौथो दिन खेलिएको म्याचहरुमा छात्र तर्फ पुष्पसदनले, राराहिललाई ४९/३२ को स्कोरले पराजित गरेको थियो । त्यस्तै छात्रतर्फको अर्को प्रतिस्प्रधामा द एक्सलसेयर स्कुलले नेपालयलाई ३९/२६ को अन्तरले पराजित गर्यो । छात्र तर्फको तेस्रो म्याचमा वयसिसलले ग्रिनफिल्डलाई ५२/३६ को फराकिलो अन्तरले पराजित गर्यो । छात्रा तर्फको प्रतिस्प्रधामा शोर्णिक स्कुलले, भानुभक्त स्कुललाई २४/१७ को अन्तरले पराजित गर्यो । छात्रा तर्फकै आजको खेलमा एल.आर.आई. स्कूलले ज्ञानोदयलाई ३५।१२ को विशाल अन्तरले पराजित गर्यो । छात्रा तर्फको आजको अन्तिम प्रतिस्प्रधामा राराहिलले लिटिल एन्जललाई १५/१० को प्वाईन्टले पराजित गरेको थियो ।

प्रतियोगितामा छात्र तर्फ ओयसिसका लसदिप लामाले २२ तथा छात्रा तर्फ एल.आर.आई. स्कूलकी सोनिया राणाले सर्वाधिक १४ प्वाईन्टस्कोर गरेका थिए ।

प्रतियोगितको ५औ दिन भोलि छात्र तर्फ क्वाटरफाईनल म्याचहरु खेलिने छन् । क्वाटरफाइनल अन्तरगत नेपालय र रेडियन्ट, पुष्पसदन र ओयसिस, एक्सलसियर र एल.आर.आई तथा टिआइए र गेटवे बीच प्रतिस्प्रधा हुने आयोजक एल.आर.आई स्कुलले जनाएको छ ।