बैकिङ कसुर मुद्दाका फरार कसुरदारहरु पक्राउ

बैकिङ्ग कसूर मुद्दामा उच्च अदालत पाटनको २०७१ मंसिर २१ गतेको फैसलाले संजयलाई ३ वर्ष कैद र १ करोड ९५ लाख २६ हजार रुपैयाँ र लक्ष्मी देवीलाई २ वर्ष कैद र ७९ लाख २२ हजार रुपैयाँ जरिवाना ठहर भएकोमा सजाय वेरुजु रही फरार भएका थिए । केन्द्रीय अनुसन्धान व्यूरो महाराजगंजबाट खटिएको प्रहरीले संजयलाई आइतबार काठमाडौंको गौशला र लक्ष्मी देवीलाई मंगलबार पर्सा वीरगंजबाट पक्राउ गरेको हो । २०६७ फागुन २५ गते क्रिष्टल फाईनान्स थापाथलीबाट जग्गा धितो राखी धितो राखेको जग्गाको आफूखुशी अस्वाभाविक रुपमा मूल्याङकन गराई कर्जा लिई कर्जा दुरुपयोग गरेका थिए ।

पक्राउ परेका दुबै जनालाई जिल्ला अदालत काठमाडौं र पर्सा मार्फत कैद भुक्तानका लागि कारागार पठाइएको उक्त व्यूरोले जनाएको छ ।