बिदेह नगरपालिका-९ बाट दुई राउण्ड गोली सहित एक जना पक्राउ
कपनअनलाइन
धनुषा, कार्तिक १४। बिदेह नगरपालिका-९ ईटहर्वबाट दुई राउण्ड गोली सहित एक जनालाई मंगलबार दिउँसो प्रहरीले पक्राउ गरेको छ। पक्राउ पर्नेमा भारत मधुवनी हर्लाखी थाना बिसौल बस्ने सुमित मण्डल रहेका छन्।
भारतबाट नेपालतर्फ आउँदै गरेका विआर ३२ ए १७०३ र विआर ३२ ए ६५४४ नम्बरका मोटरसाइकल जाँचको लागि रोक्ने क्रममा मोटरसाइकल छाडी भाग्न खोजेका मण्डललाई प्रहरी चौकी ईटहर्वाबाट खटिएको प्रहरीले उक्त गोली र दुबै मोटरसाइकल सहित पक्राउ गरेको हो ।
हाल फरार रहेका उक्त मोटरसाइकलमा सवार अन्य ३ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।
तपाइँको प्रतिक्रिया ।
