लायन्स क्लब अफ काठमाडौ डाँफेको बुद्दिस्ट बाल गृहलाई खाध्यान सहयोग
कपन अनलाइन
काठमाडौँ, माघ २९ ।
लायन्स क्लब डिस्ट्रिक ३२५ ए१ अन्तर्गत लायन्स क्लब अफ काठमाडौ डाँफेले गोकर्णेश्वर नगरपालिका वडानं ७ दक्षिण ढोकामा रहेको बुद्दिस्ट बाल गृहमा रहेका बालबालिकाको लागि शुक्रबार खाद्यान्न सहयोग गरेको छ भने उक्त बाल गृहमा रहेका बालबालिकाहरु संग बसेर सामुहिक खाजा खाने र खुवाउने कार्यक्रम सम्पन्न गरेको छ ।
उक्त कार्यक्रममा प्रमुख अतिथि लायन्स क्लब इन्टरनेसनल डिस्ट्रिक ३२५ ए १ का फर्स्ट भी डी जी अनन्त प्रसाद भेटवाल रहेका थिए भने बिशेष अतिथि सेकेन्ड भी डी जी इन्द्र खत्री राजन रहेका थिए। त्यस्तै गरि अतिथिहरुमा लायन्स क्लबका क्याबिनेट अफिसरहरूको उपस्थिति रहेको थियो।कार्यक्रमको सभाध्यक्षता लायन्स क्लब अफ काठमाडौ डाँफेका प्रेसिडेन्ट रमेश पराजुली ले गरेका थिए।
उक्त कार्यक्रममा बोल्दै लायन्स क्लब इन्टरनेसनल डिस्ट्रिक ३२५ ए १ का फर्स्ट भी डी जी अनन्त प्रसाद भेटवालले यो सहयोग सुरुवात भएको र आगामी दिनमा थप सहयोग गर्दै जाने बताए ।उनले लायन्स क्लबले गरेको अन्य गतिविधिको समेत चर्चा गरेका थिए।सभाध्यक्षको आसन बाट बोल्दै लायन्स क्लब अफ काठमाडौ डाँफेका प्रेसिडेन्ट रमेश पराजुलीले उपस्थित सबैलाई धन्यवाद दिंदै लायन्स क्लब सामाजिक काम गर्ने संस्था भएको र आगामी दिनमा पनि सहयोग गर्ने प्रतिबद्दता ब्यक्त गरेका थिए ।
