महोत्सवले स्थानीय क्षेत्रको प्रवर्धनमा धेरै सहयोग पुगेको छ :सुवर्ण श्रेष्ठ

कपन अनलाइन 

काठमाडौ,माघ १।

शंखरापुर नगरपालिकाका प्रमुख सुवर्ण श्रेष्ठले काठमाडौका प्राकृतिक रुपमा सुन्दर डाँडाहरुको प्रवर्धनमा महोत्सवहरुले निकै ठुलो भूमिका खेलेको बताएका छन ।चौथो तारेभिर महोत्सव २०७४ को उदघाटन कार्यक्रममा बोल्दै उनले तारेभिर जस्तै कागेश्वरिमा फाल्गुन ७ र मनिचुडमा बैशाख १ गते महोत्सव हुने बताएका थिए।

महोत्सवमा राखिएका स्थानीय पहिचान झल्कने बस्तुहरुले पहिचान स्थापना गर्न सहयोग पुग्ने भन्दै आफ्नो नगरपालिकामा पनि यस्तै प्रवधनात्मक कार्यक्रम हरु गर्ने श्रेष्ठले बताए।

आफु पहिला आउदा निकै पिछडिएको क्षेत्रको रुपमा रहेको तारेभिरले विस्तारै मुहार फेर्दै गएकोमा खुसि व्यक्त गर्दै उपत्यकाको चारै तर्फ रहेका पहाड अव विकट त् जटिल नभै काठमाडौं को समृधिको बाहक हुने श्रेष्ठले बताए ।

आफ्नो नगर ऐतिहासिक र पौराणिक भएकोले यस महोत्सव जस्तै त्यहाँ पनि सांस्कृतिक र पौराणिकता प्रवर्धन गर्ने विशेष महोत्सव गर्ने सोच आफुले बनाएको बताउदै उनले आयोजकहरुलाई धन्यवाद दिएका थिए ।