फिल्म ‘टोटल धमाल’ रिलिज घोषणा

काठमाडौं, २५ पौष ।वर्ष २०१७ मा ‘गोलमाल अगेन’बाट दर्शकलाई खुब हँसाएका बलिउड अभिनेता अजय देवगन अब फिल्म ‘टोटल धमाल’ लिएर फेरि पर्दामा फर्किँदैछन् । यो फिल्मको रिलिज डेट घोषणा गरिएको छ ।

ट्रेड एनालिस्ट तरण आदर्शका अनुसार, ‘टोटल धमाल’ वर्ष २०१८ को ७ डिसेम्बरमा रिलिज हुनेछ । फिल्मको छायांकन मंगलवारबाट सुरु भएको छ । अजय देवगनसँगै यो फिल्ममा रितेश देशमुख, अरशद वारसी र जावेद जाफरीको पनि मुख्य भूमिका हुनेछ ।

यो ‘धमाल’ सिरिजको तेस्रो सिक्वेल हो । योभन्दा अगाडि वर्ष २००७ मा ‘धमाल’ रिलिज भएको थियो, जसमा सञ्जय दत्त, जावेद जाफरी, रितेश देशमुख र अरशद वारसी मुख्य भूमिका थिए।यस्तै, वर्ष २०११ मा आएको ‘डबल धमाल’मा पनि स्टारकास्ट पुरानै थिए। यी दुवै भागले भारतीय बक्स अफिसमा राम्रो पैसा छापेका थिए । ‘टोटल धमाल’लाई इन्दर कुमारले निर्देशन गर्दैछन् ।

तपाइँको प्रतिक्रिया ।