गोकर्णेश्वर नगरपालिका वडा नं ६ मा  बृहत सरसफाई कार्यक्रम सम्पन्न

कपन अनलाइन

काठमाडौ,पौष १५ ।

हामीले नगरे कसले ? अहिले नगरे कहिले ?यहा नगरे कहा ? भन्ने नाराको साथमा आज बिहान गोकर्णेश्वर नगरपालिका वडा नं ६ मा  बृहत सरसफाई कार्यक्रम सम्पन्न भएको छ।

उक्त सरसफाई कार्यक्रममा प्रमुख अतिथि काठमाडौँ निर्वाचन क्षेत्र नं ३ प्रदेस सभाका सांसद माननीय रामेश्वर फुयाल स्थानीय नेता एबम समाज सेवी पुण्य प्रसाद चौलागाई , वडा नं ६ का वडा सदस्य , बरिष्ठ कलाकारहरु , लिबर्टी एकेडेमीका प्रिन्सिपल ओम प्रसाद ढकाल  ,प्रहरी सहित चार्ल्स डार्विन र पर्ल्स ई स्काउट ट्रुप,रोयल्टी कलेजका बिद्यार्थीहरुले टोल सरसफाई  गरेका थिए ।

कार्यक्रम को सुभारम्भ गर्दै काठमाडौँ निर्वाचन क्षेत्र नं ३ प्रदेस सभाका सांसद माननीय रामेश्वर फुयालले आयोजकलाई धन्यबाद दिंदै बोल्ने होइन गर्ने काम गरौ ,आजै देखि सुरु गरौ ,आफै बाट सुरु गरौ भन्ने कुराको  आवहान गर्दै बागमती सफा राखौ राजनीति   सफा राखौ ,भन्ने संदेश सहित  त्यो कामको सुरुवात गर्न आवहान गरेका थिए ।

उनले वातावरण स्वस्थ एवं स्वच्छ राख्नु हामी सबैको प्रमुख कर्तव्य  भएकोले कुनै पनि  काम सानो नहुने बताउदै जे काम छ त्यो काम गर्नको लागि तयार हुनुपर्ने बताएका थिए  ।उनले उनले सफाईका बारेमा चेतना बृद्दी मात्र होइन काम नै गर्न थाल्नुपर्ने बताएका थिए ।