गोरखा २ मा मतगणना स्थगित

कपन अनलाइन

गोरखा ,मंगसिर २२ ।

गोरखा क्षेत्र नं. २ मा प्रतिनिधिसभा तर्फको मतगणना स्थगित भएको छ । मुचोकको चतुरमाला माध्यामिक विद्यालयको केन्द्रमा मुचुल्कामा भन्दा बढी मत भेटिएपछि मतगणना स्थगित भएको हो । यो क्षेत्रमा माओवादीका नारायणकाजी श्रेष्ठ र नयाँ शक्तिका संयोजक डा. बाबुराम भट्टराईवीबीच कडा प्रतिस्पर्धा छ।

पछिल्लो मतपरिणाम अनुसार सुरुवातीमा अग्रता लिएका माओवादी केन्द्रका नेता नारायणकाजी श्रेष्ठको भोट निकै कम देखिएको छ। डा. भट्टराईले १२ हजार २०० भोट ल्याउँदा श्रेष्ठले ११ हजार १० मत पाएका छन्।